An Rud a Dhéanann Muid
Cuireann muid comhairle, tacaíocht agus eolas ar fáil faoi ghlaonna maoinithe na hEorpa Cruthaithí agus faoi iarratais. Tá muid anseo chun cuidiú libh.
Faoin Eoraip Chruthaitheach
An clár Eorpach a thacaíonn leis na hearnálacha cultúrtha agus cruthaitheacha
Is í an Eoraip Chruthaitheach an clár suaitheanta atá ag an gCoimisiún Eorpach chun tacú leis na hearnálacha cultúrtha agus cruthaitheacha.
Tá buiséad de € 2.44 billiún ag Clár na hEorpa Cruthaithí 2021-2027 sin beagnach dúbailt ar an mbuiséad a bhí ag an gclár roimhe sin. Déanann an Eoraip Chruthaitheach infheistíocht i ngníomhartha a neartaíonn ilchineálacht chultúrtha agus a fhreagraíonn do na riachtanais agus do na dúshláin a bhíonn ag na hearnálacha cruthaitheacha.
Is iad príomhspriocanna an chláir ná:
- Ilchineálacht agus oidhreacht chultúrtha agus teanga na hEorpa a chumhdach, a fhorbairt agus a chur chun cinn.
- Méadú a chur ar iomaíochas agus acmhainneacht eacnamaíoch na n-earnálacha cultúrtha agus cruthaitheacha, go háirithe san earnáil chlosamhairc.
Cuirfidh úire an chláir le téarnamh na n-earnálacha sin, ag atreisiú a n-iarrachtaí chun a bheith níos ionchuimsithí, níos digití agus níos inbhuanaithe ó thaobh na timpeallachta de.
Tá clár na hEorpa Cruthaithí roinnte ina thrí shnáithe:
- Tacaíonn an snáithe Cultúrtha le tionscadail chun comhoibriú ealaíonta agus cultúrtha a chur chun cinn ag leibhéal Eorpach. Tá ionadaíocht ag réimse leathan d’earnálacha cultúrtha agus cruthaitheacha sa snáithe seo, ar nós oidhreacht chultúrtha, ailtireacht, dearadh, litríocht agus foilsitheoireacht, ceol, taibhealaíona agus eile. Tacaíonn an maoiniú cultúrtha: le:
- Tacaíonn an snáithe MEDIA le cuideachtaí closamhairc chun saothair Eorpacha a fhorbairt, a dháileadh agus a chur chun cinn chomh maith le spreagadh a thabhairt don chomhoibriú ar fud an tionscail chlosamhairc agus tallann nua a chothú. Tá tosaíochtaí an chláir 2021-2027 struchtúrtha thart ar 4 bhraisle:
- Tacaíonn an snáithe Trasearnála le nuálaíocht agus comhoibriú ar fud na hearnála cultúrtha agus closamhairc. Baintear amach é sin trí:
- Comhoibriú polasaí
- Seirbhísí a chuireann Deasca na hEorpa Cruthaithí ar fáil
- Saotharlann um Chruthaitheacht Nuálaíocht
- Tacaíocht d’earnáil na meán nuachta agus don iriseoireacht
